Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Սանկտ Պետերբուրգի ՀՀ հյուպատոսարանում եմ, ցանկանում եմ՝ ինձ արտահանձնեն ՀՀ-ին». Բորիս Ավագյան

«Սանկտ Պետերբուրգի ՀՀ հյուպատոսարանում եմ, ցանկանում եմ՝ ինձ արտահանձնեն ՀՀ-ին». Բորիս Ավագյան
417
Երեքշաբթի, 23 սեպտեմբերի, 2025 թ., 19:18

«Փաստինֆո»-ի հետ կապ է հաստատել Արցախի Հանրապետության նախագահի հատուկ հանձնարարությունների գծով նախկին ներկայացուցիչ Բորիս Ավագյանը՝ հայտնելով, որ Սանկտ Պետերբուրգի ՀՀ հյուպատոսարանում է։

««Վերջին 1 ամսվա ընթացքում ՌԴ հատուկ ոստիկանության աշխատակիցները ձերբակալել են, տարել ոստիկանություն, փաստաղթեր ստուգելու, քանի որ Հայաստանը հետախուզում է հայտարարել իմ նկատմամբ։ Ես կամավոր ցանկանում եմ, որ ինձ արտահանձնեն Հայաստան»,- ասաց նա։

Հարցին, թե Հայաստանում իր նկատմամբ քրեական հետապնդում է հայտարարված՝ մտավախություն չունի՞, որ այստեղ իրեն ձերբակալություն է սպասվում՝ Ավագյանն ասաց, որ իր նպատակը հենց դա է։ «Թող ձերբակալեն ու քննություն իրականացնեն, հետո դատարանը կորոշի՝ մեղավոր եմ, թե ոչ»,- նշեց Ավագյանը»,- հայտնում է լրատվամիջոցը։

Հիշեցնենք, որ Ավագյանը հետախուզվում է Երևանում սահմանի անօրինական հատման և փողերի լվացման համար։