Թրամփի դեմ մահափորձի համար մեղադրվողը դատարանում ինքնասպանության փորձ է կատարել

Դոնալդ Թրամփի դեմ մահափորձի համար մեղադրվող ամերիկացի Ռայան Ռաութը դատարանում ինքնասպանության փորձ է կատարել մեղավոր ճանաչվելուց անմիջապես հետո։
Այս մասին հայտնել է Fox News-ը։

«Թրամփի ենթադրյալ մարդասպանն ինքնասպանության փորձ է կատարել բոլոր (հինգ-խմբ.) մեղադրանքներով մեղավոր ճանաչվելուց հետո»,- գրել է հեռուստաալիքը։

Ռաութին, ենթադրաբար, սպառնում է ցմահ ազատազրկում։

2024 թվականի սեպտեմբերի 15-ին Թրամփը հարձակման է ենթարկվել գոլֆ խաղալիս։ Հետագայում պարզվել է, որ մահափորձի համար կասկածվողը 58-ամյա Ռայան Ուեսլի Ռաութն է։