«Կոպիտ խախտումներ է թույլ տալիս․ Միքայել Սրբազանին մինչև ընտրություններ կպահի փակի տակ»․ Արա Զոհրաբյան

«Մենք՝ բոլորս, հրապարակային տեսանք, թե դատավորն ինչ կոպիտ խախտումներ է թույլ տալիս»,- այս մասին Միքայել Սրբազանի մեղադրական վերդիկտի հրապարակումից հետո լրագրողների հետ զրույցում նշեց փաստաբան Արա Զոհրաբյանը։

«Մեղադրական վերդիկտ կայացվեց, հաջորդ երկուշաբթի օրը լինելու են լրացուցիչ դատալսումներ, քննարկվելու է մեղադրանքի հարցը, մեղադրողը պետք է մեղադրանքի չափի և տեսակի մասին միջնորդություններ ներկայացնի։ Մենք կանխատեսում ենք, որ դատարանն այնպիսի ազատազրկում է նշանակելու, այն չափով, որ Միքայել Սրբազանին մինչև ընտրություններ պահի փակի տակ։

Այս պայմաններում, երբ ակնհայտորեն անմեղ մարդուն մեղավոր են ճանաչում, չի կարելի սպասել արդարադատություն այս դատավորից»,- նշեց Զոհրաբյանը։