«Դրսիններն ուզում են համոզմունք ձևավորել, թե Հայաստանն ինքն իրեն կառավարելու ընդունակ չէ». Արման Մելիքյան

Արցախի ԱԳ նախկին նախարար Արման Մելիքյանի ֆեյսբուքյան գրառումը. «Մի տեսակ զգացողություն է առաջանում, որ դրսիններն ուզում են ներսում համոզմունք ձևավորել, թե Հայաստանը սեփական ուժերով ինքն իրեն կառավարելու ընդունակ պետական միավոր չէ։ Երկրում վիճակն այնչափ անտանելի պետք է դարձվի, որպեսզի շարքային մարդն «էս երկիրը երկիր չի» ասելով տենչա երկիրը հանձնել օտարի կառավարմանը։ Պատմական նախադեպ էլ ունենք՝ հանձինս Արտաշես Դ Արշակունու, որին պարսից շահը հայ նախարարների բողոքի հիման վրա գահընկեց արեց ու Մեծ Հայքի թագավորությունը վերածեց պարսկական մարզպանության։ Անգամ եթե բողոքավոր նախարարները ճիշտ էին ու այդ Արտաշես Դ արքան իրոք անպետքի մեկն էր, կատարվածը երկրի ստրկացման արար էր ինքնուրույնության արժեքը ուրացած նախարարների կոմից։ Մեր այսօրվա վիճակը նաև այն ժամանակ հարաբերական ազատությունը հարաբերական ապահովությամբ փոխարինելու արդյունք է»։