Սարկոզին բողոքարկելու է դատարանի վճիռը

Ֆրանսիայի նախկին նախագահ Նիկոլա Սարկոզին հայտարարել է, որ բողոքարկելու է դատարանի կողմից կայացված հինգ տարվա ազատազրկման դատավճիռը։

Հիշեցնենք՝ 70-ամյա Սարկոզին մեղադրվում է 2007 թվականի իր նախընտրական քարոզարշավը լիբիական միջոցներով անօրինական կերպով ֆինանսավորելու մեջ:
Մեղադրող կողմը պնդում է, որ Սարկոզին Լիբիայի բռնապետ Քադաֆիից մինչև 50 միլիոն եվրո է ստացել իր նախընտրական քարոզարշավը ֆինանսավորելու համար՝ քաղաքական «բարեհաճությունների» դիմաց:
«Եթե նրանք ուզում են, որ ես բանտում քնեմ, ես բանտում կքնեմ, բայց գլուխս բարձր։ Ես մեղավոր չեմ... Բնականաբար, ես կբողոքարկեմ», - դատավճռից հետո լրագրողներին ասել է քաղաքական գործիչը։