«ԱՄՆ-ն կարող է մինչև օրվա վերջ որոշումներ կայացնել Թուրքիային F-35-ի, F-16-ի և Patriot-ի վաճառքի վերաբերյալ». Թրամփ

Վաշինգթոնի վարչակազմը կարող է հինգշաբթի օրը որոշումներ կայացնել Թուրքիային F-35 և F-16 կործանիչների, Patriot հակաօդային պաշտպանության համակարգերի կամ այլ ամերիկյան զենքի հնարավոր վաճառքի վերաբերյալ: ԱՄՆ-ի նախագահ Դոնալդ Թրամփն այս մասին հայտարարել է Թուրքիայի նախագահ Ռեջեփ Թայիփ Էրդողանի հետ հանդիպման սկզբում։

Խոսելով վերոնշյալ զենքերը ձեռք բերելու՝ Էրդողանի ցանկության մասին՝ ամերիկացի առաջնորդը նշել է. «Կարծում եմ՝ նա կկարողանա գնել այն, ինչ ուզում է գնել: Նրան որոշակի բաներ են պետք: Եվ մեզ որոշակի բաներ են պետք: Եվ մենք կորոշենք: Դուք կիմանաք օրվա վերջում», - հավելել է Թրամփը: