«Երկրում պետք է լինի այնպիսի իշխանություն, որ տեր լինի մարդկանց խնդիրներին». Արման Թաթոյան

ՀՀ նախկին ՄԻՊ Արման Թաթոյանի ֆեյսբուքյան գրառումը․ «2023թ․ սեպտեմբերի 25-ին Ստեփանակերտի վառելիքի պահեստի պայթյունը խլեց 219 կյանք, շուրջ 300 մարդ ստացավ այնպիսի այրվածքներ, որոնք ծանր հետևանքներ են թողնելու ամբողջ կյանքի ընթացքում: Երկու տասնյակից ավելի մարդ մինչ օրս համարվում է անհայտ կորած։
Շրջափակումից ու պատերազմի կործանարար հետևանքներից ուշքի չեկած արցախցիները բախվեցին հերթական աղետին. ստանալով ծանր վնասվածքներ՝ զրկվեցին բուժօգնությունից ու հարազատների կողքին լինելու հնարավորությունից։
Քանդվեցին ընտանիքներ, մարդիկ մնացին առանց օգնող ձեռքի մինչ օրս:
Երկրում պետք է լինի այնպիսի իշխանություն, որ պատասխանատու լինի յուրաքանչյուր մարդու համար և տեր լինի նրա խնդիրներին»: