«Չգիտեմ՝ ինչո՞ւ են այսքան ոստիկաններ եկել»․ Նարեկ Մալյան

«Առաջին անգամ մեր ընդդիմությունը հանդես է եկել սեփական օրակարգով, բոլոր նախորդ գործողությունները կապված են եղել Նիկոլ Փաշինյանի կամքի հետ»,- Բաղրամյան պողոտայում սպասվող հանրահավաքից առաջ լրագրողների հետ զրույցում հայտնել է «Արթուն ենք» շարժման համահիմնադիր Նարեկ Մալյանը։
«Քաղաքական բոլոր ուժերին խնդրում եմ ցուցաբերել միասնականություն, դուրս գալ նեղ խմբային շահերից»,- հավելել է Մալյանը։
Հիշեցնենք՝ քիչ անց ԱԺ-ում կմեկնարկեն «Պատիվ ունեմ» խմբակցության կողմից հրավիրված՝ Նիկոլ Փաշինյանին անվստահություն հայտնելու թեմայով լսումները։ Հանրահավաքի մասնակիցները դրսում մեծ էկրանի միջոցով հետևելու են լսումների մասնակիցների ելույթներին։
Այս պահին ԱԺ շենքի դիմաց ոստիկանական մեծաթիվ ուժեր են։
«Չգիտեմ՝ ինչո՞ւ են այսքան ոստիկաններ եկել, բայց որ եկել են, լավ են արել»,- ասել է Մալյանը՝ նշելով, որ ոստիկանների ներկայությունն իրենց չի «կոմպլեքսավորում»։