«Հենց արցախցին իր ձայնը բարձրացնում է, ատելության տարափ է սկսվում»․ Արտակ Բեգլարյան

«Արցախցիները ցանկանում են, որպեսզի իրենց իրավունքները պաշտպանված լինեն։ Մենք ցանկանում ենք, որպեսզի մեր կարծիքը հաշվի առնվի մեզ վերաբերող որոշումների կայացման հարցում»,- ԱԺ լսումներում իր ելույթի ժամանակ ասաց Արցախի նախկին ՄԻՊ Արտակ Բեգլարյանը՝ թվարկելով սոցիալական ու քաղաքական այն խնդիրները, որոնց առջև կանգնած են արցախցիները՝ բնակարանային հարցերից մինչև վերադարձի իրավունքի վերականգնում։ «Հենց մեր ձայնը բարձրացնում ենք, ատելության տարափ է սկսվում»,- նշեց Բեգլարյանը՝ հավելելով, որ ատելության խոսքի վերաբերյալ բազմաթիվ հաղորդումներ են տրվել, սակայն ոչ մի վարույթ չի սկսվել։