«Այն, ինչ կիսատ ես թողել, ավարտին ենք հասցնելու մենք». Մարինե Գրիգորյան

Փարաքար խոշորացված համայնքի սպանված ղեկավար Վալոդյա Գրիգորյանի դստեր՝ Մարինե Գրիգորյանի ֆեյսբուքյան գրառումը. «Իմ հոր նման մարդ երբե՛ք չէր տեսել աշխարհը և նրա սրտից չուներ ոչ ոք.
Ես գիտեմ դու ինձ տեսնում ես ու լսում ես ամեն մի բառ՝ իմացիր որ քո հիշատակը միշտ պահելու ենք վառ.
Ես սիրում եմ քեզ, ՊԱՊ, և խոսք եմ տալիս, որ մի օր գրկելու եմ պինդ ու զգալու եմ քո հզոր ուժը:
Դու լավագույնն ես, ու դա բոլորը գիտեն...
Աստծո կողմից նվեր ես էս աշխարհին.
Ես սիրում եմ քեզ, ՊԱՊ, ու կարոտում եմ շատ։
Էսօր Տոման ինձ հարցրեց «Մար մենք էլ պապային երբե՛ք չենք տեսնելո՞ւ», և ես անկեղծ չգիտեմ ինչ պատասխան տամ իրան, բայց Աստծուն խնդրում եմ ուժ տա մեզ, որ դիմանանք Էս ցավին:
ՊԱՊ, ես, լինելով քո առաջնեկ, քո ավագ դուստր, միշտ բարձր եմ պահելու քո պատիվը: ՊԱՊ, երկնքից ուղղակի նայի մեզ ու տես, որ էն, ինչ կիսատ ես թողել, ավարտին ենք հասցնելու մենք՝ քո ուզած և սիրած ճի՛շտ ձևով:
Ես, Սյուզին, Լյովը ու Տոման երբե՛ք մենակ չենք թողնի Մամային:
Դու կաս, մեր հետ ես ու մեր սրտի մեջ ես:
ՊԱՊ, Աստծո կողքին վայելիր քո երկնային խաղաղ կյանքը, մենք ամեն ինչ անելու ենք նենց, ոնց դու ես ուզում.
Սիրում եմ քեզ շա՜տ, ՊԱՊ ջան»: