«Ինչու է ելույթ ունեցել դատարկ դահլիճում». Էրդողանը՝ ՄԱԿ-ում Նեթանյահուի ելույթի մասին

Իսրայելի վարչապետ Բենիամին Նեթանյահուն ստիպված էր ելույթ ունենալ ՄԱԿ-ի Գլխավոր ասամբլեայի դատարկ աթոռների առջև, ինչը Թուրքիայի նախագահ Ռեջեփ Թայիփ Էրդողանը համարում է Գազայում Իսրայելի գործողությունների հետևանք։

Իսրայելի վարչապետը ելույթ ունեցավ Գլխավոր ասամբլեայում ուրբաթ օրը, սակայն շատ պատվիրակությունների անդամներ դուրս եկան նրա ելույթի սկզբում, և քաղաքական գործիչը սուլոցների արժանացավ։

«Արդեն երկու տարի է, ինչ Գազայում ամբողջ աշխարհի աչքի առաջ տեղի է ունենում ամոթալի ցեղասպանություն. խաղաղ բնակիչները ռմբակոծվում են, իսկ Գազայում սովը անողոք կերպով օգտագործվում է որպես զանգվածային ոչնչացման զենք։ Նեթանյահուն ստիպված էր ելույթ ունենալ ՄԱԿ-ի Անվտանգության խորհրդի դահլիճում դատարկ աթոռների առջև», - «Ռիա Նովոստի»-ի փոխանցմամբ՝ ասել է Թուրքիայի առաջնորդը Bosphorus դիվանագիտական ​​ֆորումում։

Էրդողանի խոսքով՝ «պարզ է դարձել, որ անհրաժեշտ է կանգնեցնել հրեշին»։