Երկուշաբթի, 30 մարտի, 2026 թ.
|
Ստեփանակերտում`   +13 °C

Վալոդյա Գրիգորյանի սպանության կասկածյալը 7 ամիս առաջ հնչած կրակոցների մասնակից է եղել

Վալոդյա Գրիգորյանի սպանության կասկածյալը 7 ամիս առաջ հնչած կրակոցների մասնակից է եղել
288
Կիրակի, 28 սեպտեմբերի, 2025 թ., 10:54

«ԱրմԼուր»-ի բացառիկ տեղեկությունների համաձայն Վալոդյա Գրիգորյանի ենթադրյալ սպանություն կատարարող անձը Գևորգն է, որը դեռևս 7 ամիս առաջ հնչած կրակոցների մասնակիցն է եղել։

Հիշեցնենք՝ ՆԳՆ-ից հայտնել են, որ Մերձավանում կատարված սպանությունը բացահայտված է։ Վաղարշապատի բաժին է ներկայացվել մեկ անձ, ով խոստովանել է, որ Մերձավանում ինքն է կրակոցներ արձակել 3 անձանց ուղղությամբ, ինչի հետևանքով 2-ը մահացել էին, իսկ 1-ը ստացել էր հրազենային վնասվածք:

Հանցագործության գործիք հանդիսացող հրազենը հայտնաբերվել է:
Նշենք, որ նախաքննության ընթացքում քննչական գործողությունների արդյունքում սպորտային պայուսակի մեջ հայտնաբերված մարզասրահի այցեքարտի միջոցով են հայտնաբերել սպանություն կատարող անձին: Այս մասին հայտնել են Քննչական կոմիտեից։
Նշենք նաև, որ այսօր վաղ առավոտից ոստիկանության զորքերը և սևբերետավորներն ուժեղացված ծառայություն են իրականացնում Մերձավանում: Իրավապահները սպանություն կատարած անձի անունը դեռևս գաղտնի են պահում։