«Այս գիշեր ՌԴ-ն 500 ԱԹՍ և 40 հրթիռ է արձակել»․ Զելենսկի

Սեպտեմբերի 28-ի գիշերը ռուսական բանակը Ուկրաինայի վրա արձակել մոտ 500 գրոհային անօդաչու թռչող սարք։ Արձակվել է նաև ավելի քան 40 հրթիռ, այդ թվում՝ «Կինժալ» հրթիռներ։ Այս մասին Ուկրաինայի նախագահ Վլադիմիր Զելենսկին գրել է իր թելեգրամյան ալիքում։

«Ուկրաինայի վրա ռուսական զանգվածային հարձակումը տևեց ավելի քան 12 ժամ։ Դաժան հարվածներ, միտումնավոր և նպատակային ահաբեկչություն սովորական քաղաքների դեմ՝ մոտ 500 գրոհային անօդաչու թռչող սարք և ավելի քան 40 հրթիռ, այդ թվում՝ «Կինժալ» հրթիռներ», - նշել է Զելենսկին։

Հարձակման հիմնական տարածքներն էին Կիևը և շրջակա շրջանները, Զապորոժիեի, Խմելնիցկիի, Սումիի և Օդեսայի մարզերը։

Թիրախում են եղել հացի գործարանը, անվադողերի գործարանը, մասնավոր և բնակարանային շենքերը, ինչպես նաև քաղաքացիական ենթակառուցվածքները։

«Այս նողկալի հարձակումը տեղի է ունեցել, ըստ էության, ՄԱԿ-ի Գլխավոր ասամբլեայի շաբաթվա ավարտին, և հենց այսպես է Ռուսաստանը հայտարարում իր իրական դիրքորոշումը։ Մոսկվան ցանկանում է շարունակել կռվելն ու սպանելը և արժանի է միայն աշխարհի կողմից ամենակոշտ ճնշմանը», - ընդգծել է Զելենսկին։