«Չագուչը ճոճողի բերածը սա է` ատելություն, բռնություն ու քաոս». Վարազդատ Հարությունյան

Փաստաբան Վարազդատ Հարությունյանի ֆեյսբուքյան գրառումը․ «Հինգ տարի առաջ սկսված ավերիչ պատերազմում ու նաև դրանից հետո հազարավոր մեր ախպերներ զոհվեցին թշնամու զենքից:
Էսօր, փոխանակ ներսում համերաշխ լինենք առավել քան երբևէ, ներողամիտ ու հոգատար լինենք միմյանց նկատմամբ՝ իրար ենք սպանում, հալածում, խոշտանգում, իրարից գողանում, հայհոյում: Այդ ամենն ավելի շատ, քան երբևէ:
Բռնությունը նորմալ բան է դարձել, քանի որ բռնության լեզվով են խոսում նրանք, որոնք պիտի պարտադրեին ու ապահովեին էդ ներքին համերաշխությունը: Չագուչը ճոճելով «ասֆալտներին պառկացնելու», «ընդդիմությանը շինելու», «մատի փոխարեն այլ բան թափ տալու» մասին խոսողի բերածը սա է՝ ատելություն, բռնություն ու քաոս:
Առանց ներքին խաղաղության անվտանգություն չկա, առանց անվտանգության՝ արտաքին խաղաղություն:
Հայաստանին օդի ու ջրի պես անհրաժեշտ է «բոլորի» իշխանություն»: