«Գյուղերն ապրում են ցեխի մեջ, Երևանում անդադար ասֆալտ են քերում ու նորը փռում»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Գյուղ վերադառնալուց և մեկ-մեկ Երևան գալուց հետո համոզվում եմ, որ հաջորդ ընտրություններում պահանջված կլինի այնպիսի կուսակցություն, որը առաջ տանի գյուղերի, փոքր քաղաքների և մարզերի շահը:
Ահռելի է և անթույլատրելի այն վիճը, որ կա մայրաքաղաքի ու գյուղերի միջև:
Երևանում չեք կարողանալու լուծել տրանսպորտի խնդիրը, քանի դեռ գյուղերը շարունակվում են դատարկվել և գերծանրաբեռնել Երևանը:
Գյուղերն ապրում են ցեխի մեջ, Երևանում անդադար ասֆալտ են քերում ու նոր ասֆալտ փռում:
Եթե ընտրություններին մասնակցող կուսակցություններից մեկը առաջ տանի գյուղի և մարզի շահը, կարծում եմ, շատ քաղաքացիներ, որ չեն քվեարկելու գործող իշխանությունների օգտին և չեն ուզում լսել ընդդիմության անունը, կարող են քվերակել այդ կուսակցության համար:
Հավատացե՛ք, մարդկանց ավելի շատ է հետաքրքրում իրենց առօրյան, քան Արարատ-Արագած, պատերազմ-խաղաղություն, Ռուսաստան-Արևմուտք և նմանօրինակ թեմաները»: