«Հասնում են իրենց հակահայկական հերթական նպատակին». Արմեն Եղիազարյան

ԱԺ նախկին պատգամավոր Արմեն Եղիազարյանի ֆեյսբուքյան գրառումը․ «Թե ինչպես են համակարգված կերպով հայկականություն վերացնում կրթական պրոցեսներից, սկսած առաջին դասարանից։
Հիշում եք չէ, որ շատերս անդրադարձանք ԿԳՄՍ նախարարի այն հակահայկական և հակակրթական բարբարոսությանը, երբ առաջին դասարանցիների Այբբենարանից հանեցին Մեսրոպ Մաշտոցի նկարը՝ տեղադրելով քյուար կոդ, որը երեխան պետք է բջջայինով սկանավորի և սմարթֆոնի էկրանին նոր կարողանա տեսնել Մաշտոցի նկարը։
Հիմա Երևանի քաղաքապետարանը որոշում է ընդունում, որ սահմանափակեն երեխաների համար դպրոցներում բջջային հեռախոսների կիրառումը։
Ինչ խոսք, ճիշտ է, երեխան չպետք է դասապրոցեսը անցկացնի բջջայինի մեջ, բայց ինչ է ստացվում...
Սկզբից Այբբենարաններից հանեցին Մաշտոցի նկարը, ասելով թե քյուարը բջջայինով սկանավորելով երեխան կկարողանա տեսնել Մաշտոցին, իսկ հիմա արդեն արգելում են բջջայինները։
Այսինքն, ինչ է ստացվում՝ երեխան այլևս չի կարող տեսնել Մաշտոցին նույնիսկ բջջայինի միջոցով։
Եվ այսպես նրանք հասնում են իրենց հակահայկական հերթական նպատակին, որ առաջին դասարանի աշակերտը այդպես էլ չի կարողանա Այբբենարանում տեսնել Մեսրոպ Մաշտոցի նկարը։
ՑՄՓ...»: