««Իրական Հայաստանը»՝ թշնամու հրազենի փողի տակ հողի ու եղանակի հետ կռիվ տվող չարքաշ գյուղացին». Վահե Սարուխանյան

Լրագրող Վահե Սարուխանյանի ֆեյսբուքյան գրառումը․ «Պետությունը սկսվում է սահմանից, իսկ սահմանը պահողը սահմանապահ բնակավայրերն են՝ ապրող, աճող ու զարգացող բնակչությամբ: Էդ բնակչությանը գյուղում պահում, աջակցում, թեւ ու թիկունք են լինում ոչ թե ճղճղան պոպուլիզմով, այլ կոնկրետ գործողություններով: Հայաստանի բազմաթիվ բնակավայրերում՝ Սյունիքից մինչեւ Գեղարքունիք, 2021-ից հետո ներկա իշխանության կողմից կատարվել են կոնկրետ գործողություններ, բայց, իհարկե, հակառակ ուղղությամբ: Դրանց հետեւանքով 2021-2022 թթ. թշնամին օկուպացրել է ռազմավարական նշանակության բարձունքներ ու դիրքեր, ու եթե նույնիսկ ներկա իշխանության վարքի օրինակով մոռանանք էդ հարձակումներն ու դրա հետեւանքով մեր տված ավելի քան 200 զոհերին, ապա ամեն օր մեր աչքի առաջ են էն մարդիկ, որոնք ապրում են օկուպանտներից մի կրակոց հեռավորության վրա: Ձեր ասած «իրական Հայաստանը» ՍԱ է՝ թշնամու հրազենի փողի տակ հողի ու եղանակի հետ կռիվ տվող չարքաշ գյուղացին, որ ինչ-որ պահի այլեւս ուրիշ ճար չի գտնում, քան ծննդավայրը լքելը: Ու էս մասին ձեր պալատական գրչակները, իհարկե, չեն գրում, չեն լուսաբանում: Չէ՞ որ ներկան ու ապագան ձեր ու պալատական մեդիայի աչքերում վարդագույն են, ինչպես երազներն ու խաբկանքը: Պարզապես դուք այդ խաբկանքը մարդկանց աչքերին փչելու եւ ականջներին փաթեթելու ռեսուրսներ ունեք: Դեռ»: