«ՔԿ նախագահի ամեն խոսքը Փաշինյանի թելադրանքով է, հակառակ դեպքում աշխատանքից կհանեն». Հովհաննես Իշխանյան

Հասարակական գործիչ, ռեժիսոր Հովհաննես Իշխանյանի ֆեյսբուքյան գրառումը․ «Քննչական կոմիտեի նախագահը նշանակվում է Արցախը հանձնած անձի կողմից. նրա որևէ խոսք հավաստի չէ, և Փաշինյանի թելադրանքով է, հակառակ դեպքում նրան աշխատանքից կհանեն:
Փարաքարի համայնքապետի դեմ ահաբեկչության քննարկման մի վարկած կա, և դա Քաղաքացիական պայմանագրի ու Նիկոլ Փաշինյանի կողմից ահաբեկչությունը կազմակերպելու սցենարն է:
Քննելու ուրիշ տարբերակ չկա, և սա է հանրային պահանջը, որպեսզի իրական հանցագործները բացահայտվեն, որպեսզի այլևս ժողովրդի կողմից ընտրված մարդկանց դեմ ահաբեկչություն չկարողանան գործել:
Բոլորը պետք է իրենց ցասումն արտահայտեն կազմակերպված ահաբեկչության դեմ»: