Գազայի հատվածում պատերազմը դադարեցնելու՝ Թրամփի ծրագրի մանրամասները

Նախօրեին ԱՄՆ նախագահը հայտարարել էր, որ Իսրայելի վարչապետը համաձայնել է Գազայի հատվածում պատերազմը դադարեցնելու իր ծրագրին: Թրամփի ծրագիրը նախատեսում է պատանդների ազատ արձակում, ՀԱՄԱՍ-ի կողմից Գազայի հատվածի վերահսկողությունից հրաժարում և միջազգային ուժերի տեղակայում:

Մասնավորապես, ծրագրով նախատեսվում է, որ Իսրայելի կողմից հաստատումից հետո, 72 ժամվա ընթացքում շարժման կողմից պահվող իսրայելցի պատանդները պետք է ազատ արձակվեն: Իր հերթին, Իսրայելը ազատ կարձակի պաղեստինցի բանտարկյալներին:

Ծրագրով նաև նշվում է, որ Գազայի հատվածը կդառնա ապառազմականացված գոտի: Կտեղակայվեն միջազգային ուժեր, և կսկսվի մարդասիրական օգնության լայնածավալ մատակարարում: Գազայի հատվածից բնակիչների հարկադիր տեղահանում չի իրականացվի։ Անցումային շրջանում Գազայում կառավարումը կհանձնվի «տեխնոկրատական» հանձնաժողովին, որը կազմված կլինի պաղեստինցիներից և միջազգային փորձագետներից, հայտնում է DW-ն: