«Եվրոմուտիտներին ժողովուրդը չի հավատում»․ Արա Արայան

Վերլուծաբան Արա Արայանի ֆեյսբուքյան գրառումը․ «Մոլդովայում անցած ընտրություններից ոգևորվելու ոչ մի առիթ չկա, հատկապես մեր իշխանություններ համար։
Մոլդովան Եվրոպային կպած երկիր է, մոլդովացիները ավելի հեշտ են եվրոպական երկրներ այցելում, քան ՀՀ մարզերի ժողովուրդը գազելներով Երևան։ Մոլդովացիների զգալի մասը Ռումինիայի անձնագիր ունի, լեգալ աշխատում են ԵՄ ցանկացած երկրում։ Ով ռումինական անձնագիր չունի, աշխատում է անլեգալ, միևնույն է, վիզաների խնդիր չկա։
Մոլդովան ակնկալում է Մերձդնեստրի վերադարձ և այդ առումով կստանա Արևմուտքի աջակցությունը, մենք մեր «Մերձդնեստրը» քամուն տվեցինք, դիմացը չստանալով ՈՉԻՆՉ, չէ, ինչո՞ւ ոչինչ, բա Թրամփի ուղին։
Եվ վերջապես, ՀՀ ողջ քաղաքական վերնախավը շատ լավ հասկանում է, որ այս խեղճ ու չկայացած պետական համակարգով Հայաստանը, բացի Ռուսաստանի վասալը լինելուց, այլ ճանապարհ չունի։ Եվրոմուտիտներին ժողովուրդը չի հավատում։ Հայաստանի ժողովուրդը նույնպես ռեալիստ է, ինքն իր գինն ու հնարավորությունները լավ գիտե, հայրենասիրական կենացներին փոխարինած պետականամետ կենացների տակ նույնպես բան չկա, բոլորի միտքը մի տեղից մի բան թռցնելն է։
Եվ ուրեմն, այս բալագանը ոչ մի լավ տեղ չի տանելու Հայաստանը։ Դա գիտեն նաև ԵՄ-ում ու ԱՄՆ-ում, պատահական չէ, որ թավշյա թատրոնից 7 տարի անց, մեզ նույնիսկ մոլդովացիների ու վրացիների մակարդակում չեն դիտարկում, վիզաների ազատականացումը դեռ օդից կախված մուտիտ է...
Սա է համազգային մուտիլովչիկության հմայնքը, վայելեք, առանց սին հույսերի...»։