«Եվրոպայի սադրիչ գործողությունները ստիպում են միջոցներ ձեռնարկել»․ Պեսկով

«Եվրոպայի սադրիչ գործողությունները մի շարք ջրային տարածքներում Ռուսաստանի զինված ուժերին ստիպում են միջոցներ ձեռնարկել կարգուկանոնը վերականգնելու համար»,- հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Մի շարք ջրային տարածքներում, այդ թվում՝ Բալթյան ծովում, եվրոպական երկրները և ափամերձ պետությունները բազմաթիվ սադրիչ գործողություններ են ձեռնարկում, որոնք, մեր կարծիքով, բացարձակապես չեն նպաստում առևտրային նավարկության ազատության ապահովմանը։ Եվ երբեմն դա մեր զինված ուժերին ստիպում է, ասենք, միջոցներ ձեռնարկել կարգուկանոնը վերականգնելու համար», - լրագրողներին ասել է Պեսկովը։