«Լավ որոշում․ 25 տարի այդտեղ խոզանոց էր»․ Կարեն Քոչարյան

Քաղտեխնոլոգ Կարեն Քոչարյանի ֆեյսբուքյան գրառումը. «Անկախ այս իշխանությունների նկատմամբ իմ վերաբերմունքից, ուզում եմ շնորհակալություն հայտնել քաղաքապետ Տիգրան Ավինյանին միանգամից երկու լավ որոշումների համար: Նախ քանդում են Գնունու շինանյութի շուկան, որի դեմ պայքարել եմ ավելի քան 25 տարի: 25 տարի այդտեղ, բառիս բուն իմաստով՝ խոզանոց էր, և աշխարհի բազմաթիվ երկրների ֆուտբոլային երկրպագուները հենց այդ խոզանոցի մեջով էին գնում Հանրապետական մարզադաշտ:
Եվ երկրորդ, ոչ պակաս կարևոր որոշում՝ դպրոցներում սահմանափակել բջջային հեռախոսների օգտագործումը երեխաների համար: Ի դեպ որոշ դպրոցներում (հիմնականում մասնավոր) այս սահմանափակումը շատ վաղուց է գործում: