«Դաշնակցություն»-ը սենց մի քիչ էլ կձգի ու հավերժ կփակվի»․ Նիկոլ Փաշինյան

«Ինչ անում ենք, դուրներդ չի գալիս։ Կկողմնորոշվե՞ք՝ մենք հիմա ձեզ համար սրտի ընդդիմություն ենք, թե՞ սպառնացող վտանգ, որին պետք է ոչնչացնել։ Եթե սրտի ընդդիմությունն եք, ինչո՞ւ եք հետապնդում, ինչի՞ է իմ գործընկերը նստած, բա սրտի ընդդիմության հետ տենց են վարվո՞ւմ․․․ Էս ռեվերանսները պետք չի․․․ Հասմիկ Հակոբյանն արդեն ասել է, որ ՀՅԴ-ն փակելու եք, պետք չի ծածկադմփոց անեք։ Ձեզնից առաջ է ընկել, ասել է, կարիք չունեք քողարկելու»,- ԱԺ-ում դիմելով վարչապետ Փաշինյանին՝ այս մասին նշեց «Հայատան» խմբակցության ՀՅԴ-ական պատգամավոր Քրիստինե Վարդանյանը։

«Դաշնակցությունը» փակելու իմաստը ո՞րն է, դո՞ւք ամեն օր փակում եք»,- պատասխանեց Փաշինյանը։

«Ես կարծում եմ՝ «Դաշնակցությունը» փակելու անհրաժեշտություն չկա, որովհետև «Դաշնակցությունն» ամենօրյա ռեժիմով փակվում է, սենց մի քիչ էլ կձգի ու հավերժ կփակվի։ Դա այնքա՜ն կանխատեսելի է»,- ընդգծեց վարչապետը։