«Ո՞վ չգիտի, որ դուք եք ընտրակաշառք բաժանել․ ամբողջ ռեսպուբլիկան է խոսում»․ Վարդան Ղուկասյան

«Ասում եք ընտրակաշառք, ո՞վ չգիտի, որ դուք եք ընտրակաշառք բաժանել»,- այս մասին լրագրողների հետ զրույցում ասաց Գյումրու քաղաքապետ Վարդան Ղուկասյանը՝ պատասխանելով վարչապետ Նիկոլ Փաշինայնի՝ Ազգային ժողովի ամբիոնից արված հայտարարությանն այն մասին, թե Գյումիրում տեղի ունեցած ընտրությունների ժամանակ ընտրակաշառք է բաժանվել և պետք է մեխանիզմներ կիրառվեն դա բացառելու համար։

«Բոլորը, ամբողջ քաղաքը, ամբողջ ռեսպուբլիկան է ձեր ընտրակաշառք բաժանելու մասին խոսում։ Էնքան փաստեր կան նկարած, որ կողքի խանութից փողը տալիս էին, գնում էին ընտրության, 60 հազարի ապրանք էին տանում․․․ Ո՞վ չտեսավ։ Մենք չէինք հավատում, բայց տեսանք այդ ամեն ինչը»,- նշեց Ղուկասյանը՝ հավելելով՝ մենք ամեն ինչի պատրաստ ենք, վախեցող, ընկվճող չկա։