«Ժողովուրդին հենց այսպիսի մանիպուլյացիոն տեսանյութերով են խաբում». Արթուր Չախոյան

Բլոգեր Արթուր Չախոյանը ֆեյսբուքյան իր էջում տեսանյութ է հրապարակել՝ կից գրելով․ «Ժողովուրդին հենց այսպիսի մանիպուլյացիոն տեսանյութերով են խաբում, իբր պայքարում են ապօրինության դեմ։ Բայց իրականությունը լրիվ այլ է, այդ ապամոնտաժումները կոռուպցիոն բնույթ են կրում։
Հիշենք՝ անցած տարի ապօրինի բենզալցակայաններ քանդեցին, բայց ինչ եղավ հետո՞։ Մի քանիսը նորից բացվեցին, իսկ Երևանով մեկ սնկի պես նոր բենզալցակայաններ հայտնվեցին։
Նույն պատմությունը գովազդային վահանակների հետ էր, որ փողոցներից ապամոնտաժեցին, հետո քաղաքով մեկ արդեն իրենց սեփական վահանակները տեղադրեցին։
Փաստացի, քաղաքապետարանը ոչ թե ապօրինության դեմ է պայքարում, այլ մենաշնորհային ռեկետի մեխանիզմով մրցակիցներին դուրս են հանում ու բիզնեսները իրենցով անում»։