Լյուքսեմբուրգի Մեծ դուքսը հրաժարվեց գահից՝ հօգուտ որդու

Լյուքսեմբուրգի Մեծ դուքս Հենրին հրաժարվել է գահից՝ իր որդու՝ Գիլյոմի օգտին։ Այս մասին հաղորդում է Associated Press (AP)-ը։

Նախկին Մեծ դուքսը 70 տարեկան է, իսկ որդին՝ 43: Միապետը գահը զբաղեցրել է 25 տարի։

Ամուսնու հետ միասին գահ բարձրացավ նոր մեծ դքսուհի Ստեֆանին։

Զույգի երդմնակալության արարողությունը տեղի է ունեցել Լյուքսեմբուրգի Պատգամավորների պալատի դահլիճում:

AP-ն հաղորդում է, որ Մեծ դուքս Գիյոմը և նրա ընտանիքը շուտով առաջին անգամ կդիմավորեն հանրությանը Մեծ դուքսի պալատի պատշգամբից: Այդ օրը նա երեկոյան ճաշկերույթ կկազմակերպի հյուրերի, այդ թվում՝ Ֆրանսիայի նախագահ Էմանուել Մակրոնի և Գերմանիայի նախագահ Ֆրանկ-Վալտեր Շտայնմայերի համար:

Նոր Մեծ դուքսը հանգստյան օրերին կշրջագայի երկրով մեկ: Լյուքսեմբուրգը մոտավորապես 2500 քառակուսի կիլոմետր տարածք ունի, որը փոքր է Ինգուշեթիայից (3600 քառակուսի կիլոմետր): Դքսությունում բնակվում է մոտավորապես 700,000 մարդ: