«Դավիթ Բեկ-Նոր Նորք խաչմերուկում մեկ շաբաթ է՝ աշխատանքից տուն գնալու ժամին խցանում է»․ Տիգրան Դավուդյան

Իրանագետ Տիգրան Դավուդյանի ֆեյսբուքյան գրառումը․ «Երևանի Դավիթ Բեկ-Նոր Նորք խաչմերուկը մոտ մեկ շաբաթ է՝ այս վիճակում է։ Ժողովրդի հենց աշխատանքից տուն գալու ժամանակ խողովակ տեղադրող ենթա-ենթա-ենթա-ենթա կապալառուները սկսում են աշխատել և նման խցանում են ստեղծում։ Մեկ ժամում ընթացել եմ ընդամենը երեք հարյուր մետր։ Տպավորություն է, որ կապալառուն և հսկող օղակները վարորդների և ուղևորների զայրույթից բերկրանք են զգում։ Ժամը 19։56-ին զանգել եմ Ոստիկանություն և խնդրել եմ երթևեկությունը կարգավորելու համար պարեկ ուղարկել։ 20։53-ին նորից եմ զանգել, պատասխանող տիկինն ասում է՝ պարեկ եկավ, բայց վթարների պատճառով այլ վայր գործուղվեց»։