Իսրայելն ու ՀԱՄԱՍ-ը Եգիպտոսում բանակցություններ կանցկացնեն

304

Շաբաթ, 04 հոկտեմբերի, 2025 թ., 14:32

Հոկտեմբերի 5-ին Գազայի հակամարտության կարգավորման շուրջ Իսրայելն ու ՀԱՄԱՍ-ը Եգիպտոսում բանակցություններ կանցկացնեն, որոնց կմասնակցեն նաև Միացյալ Նահանգների պատվիրակությունները: Այս մասին հայտնել է իսրայելական հեռուստատեսության 12-րդ ալիքը։

Ըստ ալիքի՝ ԱՄՆ նախագահի դեսպանորդ Սթիվ Ուիթքոֆը արդեն մեկնել է Եգիպտոս:

Հեռուստաալիքը հայտնել է, որ իսրայելական պատվիրակությունը հնարավոր է գլխավորի ռազմավարական պլանավորման նախարար Ռոն Դերմերը:
Հիշեցնենք՝ ՀԱՄԱՍ-ը համաձայնել է վերադարձնել պատանդներին, իսկ Թրամփը կոչ է արել Իսրայելին անհապաղ դադարեցնել Գազայի վրա հարձակումները։