«Գազայում պատերազմը մոտենում է ավարտին․ Մերձավոր Արևելքում նոր փուլ կսկսվի»․ փորձագետ

Գազայի հատվածում պատերազմի հնարավոր ավարտը Իսրայելի համար ճանապարհ է բացում Մերձավոր Արևելքում և Արաբական թերակղզում իր ազդեցության ռազմավարությունն իրականացնելու համար, ՌԻԱ Նովոստիին ասել է լիբանանյան ռազմական ռազմավարության փորձագետ և Լիբանանի բանակի թոշակառու գեներալ Մալիկ Այուբը։ «Քանի որ Գազայի հատվածում պատերազմը մոտենում է իր ավարտին, Մերձավոր Արևելքում նոր փուլի ուրվագծեր են սկսում ի հայտ գալ։ Առաջարկվող կարգավորումը հիմնված է «հաղթողներ չկան, պարտվողներ չկան» սկզբունքի վրա. Իսրայելը վերադարձնում է իր գերիներին՝ թե՛ կենդանի, թե՛ մահացած։ Համասը մնում է Գազայի հատվածում, բայց առանց կառավարման մեջ որևէ դերի, իսկ Քաթարն ու Եգիպտոսը պարտավորվում են կազմակերպել Գազայի հատվածի կառավարման մեխանիզմը և լուծել զենքի հարցը։ Դրա դիմաց Իսրայելը աստիճանաբար դուրս է բերում իր զորքերը և ամբողջությամբ դադարեցնում ռազմական գործողությունները։ Այսպիսով, Իսրայելը վերացնում առաջին խոչընդոտը այն ճանապարհի, որը նա անվանում է «տարածաշրջանային խաղաղություն», - ասել է Այուբը։