«Վստահ եմ՝ Սրբազանի ոգին այդ դատավճռով կոտրել հնարավոր չէ»․ Ռուբեն Մխիթարյան

«Ես համոզված էի, որ այդպես էլ լինելու է, բայց վստահ եմ՝ Սրբազանի ոգին դրանով կոտրել հնարավոր չէ»,- այս մասին լրագրողների հետ զրույցում նշեց պրոդյուսեր, Գյումրու ավագանու ընդդիմադիր անդամ Ռուբեն Մխիթարյանը՝ անդրադառնալով Միքայել Սրբազանի նկատմամբ 2 տարով ազատազրկման դատավճռի կայացմանը։

«Ավելին՝ դրանով Շիրակի թեմի հավատավոր ժողովրդի ոգին կոտրել հնարավոր չէ։ Սրբազանն արդեն երկար ժամանակ է՝ ֆիզիկապես իր հոտի հետ չէ, բայց հոգեպես իր հոտի հետ է, և իր հոտն էլ նրա կողքին է կանգնած․ այդ կապը ոչ մի դատավճռով կտրել հնարավոր չէ։ Մեր Սրբազանին ամրություն եմ մաղթում»,- հավելեց Մխիթարյանը։