«Ադրբեջանի հետ քննարկում ենք հայ ռազմագերիների հարցը՝ ակնկալելով դրական լուծումներ»․ Անի Բադալյան

PassBlue պարբերականը հրապարակել հարցազրույց ՀՀ արտաքին գործերի նախարարության խոսնակ Անի Բադալյանի հետ՝ ՄԱԿ-ի Գլխավոր ասամբլեայի բարձր մակարդակի շաբաթվա շրջանակներում։

Հարցազրույցում Բադալյանն անդադարձել է նաև հայ ռազմագերիներին վերաբերող հարցին։

Անդրադառնալով հարցին՝ կլինե՞ն արդյոք բանակցություններ Ադրբեջանի տարածքում պահվող հայ ռազմագերիների վերաբերյալ, Բադալյանը պատասխանել է․ «Այո՛, մենք ասում ենք, որ խաղաղություն է հաստատվել, սակայն դա ենթադրում է նաև հումանիտար խնդիրների լուծում։ Ադրբեջանում դեռևս պահվում են հայ ռազմագերիներ, և մենք այդ հարցը քննարկում ենք առաջին հերթին հենց Ադրբեջանի հետ՝ ակնկալելով դրական լուծումներ։ Գոյություն ունեն նաև անհետ կորած անձանց հետ կապված խնդիրներ։ Այս հումանիտար հարցերը համընդհանուր պատկերի մի մասն են և, իհարկե, կարող են նպաստել արդեն հաստատված խաղաղության ամրապնդմանը»։