Իրանում մահապատժի են ենթարկել ահաբեկչության և Իսրայելի հետ կապերի մեջ մեղադրվող 6 անձի

Իրանի հարավ-արևմուտքում գտնվող Խուզեսթան նահանգում մահապատժի են ենթարկել վեց անձի, որոնք մեղադրվում էին ահաբեկչության, սեպարատիզմի և Իսրայելի հետ կապերի մեջ։ «Վեստի․ռու»-ի փոխանցմամբ՝ այս մասին հաղորդում է Mehr գործակալությունը։

Ըստ աղբյուրի՝ մահապատժի դատավճիռը կյանքի է կոչվել այսօր առավոտյան, երբ ավարտվել են բոլոր դատական ընթացակարգերը։ «Մեղադրյալները վերջին տարիներին վնաս են հասցրել նահանգի անվտանգության համակարգին՝ կատարելով մի շարք զինված գործողություններ և ռմբակոծություններ։ Լրատվամիջոցների տեղեկություններով՝ մահապատիժը կրողները օժանդակություն են ստացել նաև օտարերկրյա գործակալներից»,- նշվում է հաղորդագրության մեջ։