«Բողոքի ակցիայի կազմակերպիչները ձերբակալվել են»․ Վրաստանի ՆԳՆ

Ոստիկանությունը ձերբակալել է Թբիլիսիում բողոքի ակցիայի հինգ կազմակերպիչների՝ հասարակական գործիչ Պաատա Բուրչուլաձեին, «Ազգային շարժման» անդամ Իրակլի Նադիրաձեին, նախկին դատախազ Մուրթազա Զոդելավային, կուսակցական Պաատա Մանջգալաձեին և գնդապետ Լաշա Բերիձեին, այս մասին հայտնել է Վրաստանի ներքին գործերի փոխնախարար Ալեքսանդր Դարախվելիձեն։ Նրանք մեղադրվում են պետական հեղաշրջման ու իշխանության տապալման կոչերի համար։ Նման արարքների համար նախատեսված է մինչև 9 տարվա ազատազրկում:

Բախումների ընթացքում վիրավորվել է 32 ոստիկան, 6 ցուցարար: