Կիրակի, 05 հոկտեմբերի, 2025 թ.
|
Ստեփանակերտում`   +22 °C

«ՀՀ 4-րդ նախագահի օտարերկրյա քաղաքացիության մասին գործի նախաքննությունը շարունակվում է»․ ՔԿ

«ՀՀ 4-րդ նախագահի օտարերկրյա քաղաքացիության մասին գործի նախաքննությունը շարունակվում է»․ ՔԿ
123
Այսօր, 10:42

ՀՀ չորրորդ նախագահ Արմեն Սարգսյանի օտարերկրյա քաղաքացիություն ունենալու գործով նախաքննությունը շարունակվում է։ Տեղեկությունը հայտնել է ՀՀ քննչական կոմիտեն՝ պատասխանելով Sputnik Արմենիայի գրավոր հարցմանը։
2023 թվականի ապրիլին ԱԱԾ-ից ասել էին, որ Արմեն Սարգսյանի վերաբերյալ իրականացվող քրեական վարույթը ենթակայության կարգով ուղարկվել է ՀՀ քննչական կոմիտե։
ՔԿ-ն այլ մանրամասներ չի հաղորդում։
Հիշեցնենք, որ Արմեն Սարգսյանը ՀՀ նախագահի պաշտոնը զբաղեցրել է 2018-2022 թվականներին:
2022-ի հունվարի 23-ին նա հրաժարական տվեց՝ պատճառաբանելով, թե նախագահը չունի անհրաժեշտ գործիքներ՝ երկրի և ազգի համար բարդ ժամանակներում ազդելու ներքին և արտաքին քաղաքական գործընթացների վրա։
Հաջորդ օրը «Հետք»-ը գրեց, որ Սարգսյանը մինչ նախագահ ընտրվելն ունեցել է Սենթ Քիթս և Նևիսի Դաշնության քաղաքացիություն, և նա այդ պաշտոնում ընտրվելու իրավունք չուներ։