««Բեզատչոտնիկ» պարեկների վերաբերյալ». Կարեն Հեքիմյան

Հասարակական գործիչ Կարեն Հեքիմյանի ֆեյսբուքյան գրառումը. ««Իրական Հայաստան»:
Խաբեբա, փոքրոգի և բեզատչոտնիկ պարեկների վերաբերյալ:
Ուրեմն, 10 տարեկան երեխան բուժօգնության կարիք ունի: Հայրն ավտոմեքենայով երեխային ուղեկցում է հիվանդանոց: Հասկանալով, որ ավտոմեքենան ստիպված պետք է կայանի անթույլատրելի տեղում, քաղաքացին 8-10 մետր հեռավորության վրա կայանված, պարեկային ոստիկանության ավտոմեքենայում նստած պարեկներին բացատրում է ծայրահեղ անհրաժեշտությամբ պայմանավորված իրավիճակը և խնդրում ավտոմեքենան որոշ ժամանակով կայանել չթույլատրված հատվածում: Պարեկները «հասկանալով» վիճակը թույլատրում են որոշ ժամանակով քաղաքացու ավտոմեքենայի կայանումը, սակայն...
Դեպքից շուրջ 20 օր անց քաղաքացին Պարեկային ոստիկանությունից իրավախախտման մասին վարչական ակտ է ստանում: Ոստիկանությունն ակտով քաղաքացուն ավետում է, որ նկարագրված դեպքի օրը քաղաքացին ավտոմեքենան կայանել է չթույլատրված հատվածում:
Բա սրանից հետո, ինչպես չասել, որ այս դեպքով պարեկները խաբեբա, փոքրոգի և բեզատչոտնիկ են:
Միակ մխիթարանքն այն է, որ սա «Իրական Հայաստանն է» և վերջ»։