«Չենք բարձրաձայնում, որովհետև վախենում ենք հայհոյանքներից»․ Նիկոլ Փաշինյան

«Լավ ապրող մարդկանց 80 տոկոսի լավ ապրելը կապված է իրենց կրթության հետ, վատ ապրող մարդկանց 80 տոկոսի վատ ապրելը կապված է իրենց կրթության հետ․ ես դրանում միանշանակ համոզված եմ»,- ՏՏ ոլորտի ներկայացուցիչների հետ հանդիպման ժամանակ, անդրադառնալով կրթություն-աշխատանք թեմային, ասել է ՀՀ վարչապետ Նիկոլ Փաշինյանը։ «Հաջորդ խնդիրը․ Կառավարությունում լավ կադրն ինչի՞ պետք է գա՝ աշխատի։ Դուք կգա՞ք Կառավարությունում 200 հազար դրամով կաշխատեք։ Ոչ մեկդ չեք գա։ Առաջարկ անեմ՝ կժպտաք»։ Մասնակիցներից մեկի դիտարկմանը՝ «իսկ կարո՞ղ է խիստ քայլ անենք ու վերանայենք պետական ապարատի վարձատրության պայմանները», Փաշինյանն ասաց․ «Դրա նախագիծը կա, մեր մեջ որոշումը կայացրել ենք, բայց չենք բարձրաձայնում, որովհետև վախենում ենք։ Նոր առիթ ենք տալու, որ ՀՀ ակտիվ հանրության 97 տոկոսն իր իմացած բոլոր հայհոյանքներն ուղղի մեր հասցեին»։