Հարյուրհազարավոր մարդիկ Թուրքիայում երթ են անցկացրել՝ ի պաշտպանություն Պաղեստինի ու Գազայի

Անկարայում տեղի է ունեցել Գազայի հատվածի աջակցության լայնածավալ երթ, որը կազմակերպվել է ոչ կառավարական կազմակերպությունների կողմից։ Թուրքիայի Ներքին գործերի նախարարության տվյալներով՝ մասնակցել է մոտ 300,000 մարդ։

Երթի մասնակիցները կրել են պաղեստինյան դրոշներ և պաստառներ՝ «Ազատ Պաղեստին գետից մինչև ծով» գրությամբ, վանկարկել են «Ազատ Գազա» և «Ողջույն դիմադրությանը» կարգախոսներ։

Ցույցին մասնակցել են Թուրքիայի տրանսպորտի նախարար Աբդուլքադիր Ուրալօղլուն, Անկարայի նահանգապետ Վասիպ Շահինը և խորհրդարանական ներկայացուցիչներ։

Պաղեստինի աջակցության միաժամանակյա բողոքի ցույցեր են տեղի ունեցել նաև Ստամբուլում, որոնց մասնակցել են տասնյակ հազարավոր մարդիկ։