ՀԱՄԱՍ-ը հերքել է պնդումները, թե պատրաստ է զենքը վայր դնել Թրամփի ծրագրի շրջանակներում

ՀԱՄԱՍ-ի քաղբյուրոյի անդամ Մահմուդ Մարդավին հերքել է լրատվամիջոցների այն տեղեկությունները, որ շարժումը, իբր, համաձայնել է զենքը վայր դնել ԱՄՆ-ի նախագահ Դոնալդ Թրամփի՝ Գազայի հակամարտության կարգավորման ծրագրի շրջանակներում։

Այս հարցի վերաբերյալ հայտարարություն է հրապարակվել շարժման պաշտոնական Telegram ալիքում։ «Մահմուդ Մարդավին մերժել է «Ալ Հադաթ» հեռուստաընկերության և մի շարք այլ լրատվամիջոցների կողմից Գազայի հատվածում հրադադարի բանակցությունների ընթացքի և շարժման դիրքորոշման վերաբերյալ կեղծ պնդումները։ Այս պնդումները անհիմն են և ուղղված են ՀԱՄԱՍ-ի դիրքորոշումը վարկաբեկելուն և հանրությանը մոլորեցնելուն»,- ասվում է հայտարարության մեջ։