«Ֆրանսիան ռազմագերիներ չունի, ինքնիշխան տարածքներ չի զիջել»․ Ռուբեն Մխիթարյան

Գյումրու ավագանու անդամ, պրոդյուսեր Ռուբեն Մխիթարյանի ֆեյսբուքյան գրառումը․ «Ֆրանսիայի նոր վարչապետը 28 օր աշխատեց և հրաժարական տվեց: Վերջին 2 տարում սա Մակրոնի հրաժարական տված արդեն 5-րդ վարչապետն էր:
Նշենք, որ վերջին 2 տարում Ֆրանսիան պատերազմներում չի պարտվել, ռազմագերիներ չունի, ինքնիշխան տարածքներ չի զիջել, «Մարսելյեզի» խմբագրում չի արել, երբեք Ալպերի իր մասից չի հրաժարվել այն պատրվակով, որ տարին 12 ամիս դրանց վրա ձյուն է, ոչ մի վարչապետ հանդես չի եկել «Իրական Ֆրանսիայի» կոնցեպտով, որով կհրաժարվեր աշխարհի տարբեր հատվածներում գտնվող Ֆրանսիական Գվիանայից, Նոր Կալեդոնիայից և այլն:
Հայաստանում միևնույն վարչապետը 7 տարի է անում է այն, ինչի նույնիսկ 1%-ը անելուց ֆրանսիացի վարչապետերից ցանկացածը Վերսալյան պալատի դիմաց ինքն իրեն կհրկիզեր»։