Երկուշաբթի, 06 հոկտեմբերի, 2025 թ.
|
Ստեփանակերտում`   +18 °C

«ՔՊ-ական մանդատավոր քոչվորներին չէր խանգարի ուսումնասիրել եվրոպական փորձը»․ Արմեն Աշոտյան

«ՔՊ-ական մանդատավոր քոչվորներին չէր խանգարի ուսումնասիրել եվրոպական փորձը»․ Արմեն Աշոտյան
164
Այսօր, 15:48

ՀՀԿ փոխնախագահ Արմեն Աշոտյանի ֆեյսբուքյան գրառումը․ «Ուշադիր հետևում էի ԱԺ պետաիրավական հանձնաժողովում մեր հեղինակած հայտարարության քննարկումներին:
Ուզում եմ նախ ասել, որ Հայկ Մամիջանյանը, Աննա Մկրտչյանը և Տիգրան Աբրահամյանը բարձր որակի քաղաքական կեցվածք և խոսք ցուցադրեցին։
Շնորհակալ եմ նաև «Հայաստան» դաշինքի ներկա պատգամավորներին՝ իրենց ակտիվ և բովանդակային ներգրավման համար։
ՔՊ-ական դեմագոգիկ դատարկախոսությանն ու ճարպկալեզվությանը հակադրվեց հիմնավոր և ծանրակշիռ փաստարկների հեղեղ, իսկ քաղաքական մինի-մենամարտերում ընդդիմության ներկայացուցիչները մի քանի գլուխ բարձր էին ու համոզիչ։
Զուգահեռ ընթերցելով միջազգային մամուլը՝ հանդիպեցի մի լուրի, ըստ որի Եվրոպական հանձնաժողովի ղեկավարին Եվրոպական խորհրդարանում այսօր անվստահություն հայտնելու նախաձեռնություն է քննարկվելու, որին կարող են միանալ նաև իշխող ԵԺԿ խմբակցության պատգամավորներ։
«Դեպի Եվրոպա» ճանապարհ հռչակած քպ-ական մանդատավոր քոչվորներին չէր խանգարի ուսումնասիրել հենց եվրոպական փորձը՝ կառավարության ղեկավարին անվստահություն հայտնելու հարցում։
Ինչպես ասում են՝ Never say never:
Ի դեպ սա վերաբերում է նաև ընդդիմադիր դիրքավորված որոշ շրջանակներին։
Նիկոլը և իր կառավարումը աղետ է, և այս փաստը քվեարկությամբ չէ, որ պիտի արձանագրվի։
Չէ՞ որ հայտնաբերված ռակը ռակ է՝ անկախ նրանից, թե հիվանդատերը կքվեարկի ախտորոշման օգտին, թե՝ ոչ»։

Աղբյուրը`   Արմեն Աշոտյան