Ստամբուլի կենտրոնում սպանվել է հայտնի փաստաբան

Ստամբուլի կենտրոնում հարձակման է ենթարկվել հայտնի թուրք փաստաբան Սերդար Օքթեմը. հինգ կասկածյալներ ձերբակալվել են։ Այս մասին հայտնել են թուրքական լրատվամիջոցները՝ հղում անելով ոստիկանությանը։ Տուժածը տեղափոխվել է հիվանդանոց, սակայն նրան փրկել չի հաջողվել։

Ըստ A Haber հեռուստաալիքի՝ փաստաբանը սպառնալիքներ է ստացել տեղական կազմակերպված հանցավոր խմբավորումներից։ Ստամբուլի նահանգապետ Դավութ Գյուլը հրահանգել է ապահովել նրա անվտանգությունը, սակայն Օքթեմին հարձակումից պաշտպանել հնարավոր չի եղել։