«Չորաթանցիները հիշում էին ադրբեջանցիների կողմից առևանգված և սպանված իրենց հարազատների մասին». Ժաննա Ալեքսանյան

Իրավապաշտպան Ժաննա Ալեքսանյանը ֆեյսբուքյան իր էջում գրել է․ «Սահմանամերձ Չորաթան գյուղում եղել եմ տարիներ առաջ, երբ թշնամու կրակոցից զոհված զինծառայողների մասին պատմություններն էինք լուսաբանում։ Այցելել ենք մի քանի ընտանիքներ, որոնք իրենց զոհված որդիների պատմություններին զուգաեռ հիշում էին ադրբեջանցիների կողմից առևանգված և սպանված իրենց հարազատների մասին։ նրանցից մեկն, օրինակ պատմում էր, որ առևանգելուց օրեր անց վերադարձրել են խոշտանգված ու դաժանորեն սպանված եղբոր մարմինը։ Մենք նրանց չենք հարցրել, բայց նրանք պատմում էին։ Այդ պատմությունները չեն մոռացվում, որովհետև իրական են և թարմ։ Մարդկանց մեջ այսօր էլ առկա են այդ վախերն ու տագնապները։ Երեխաները ենթագիտակցորեն Մասիս սար ու ցեղապանություն են նկարում, քանի որ լուռ նրանց են փոխանցվում հարազատների ապրումները։ Սա է մարդկայինը և ոչ ոք չի կարող խեղել այդ ապրումները»։