Կրասնոյարսկի տայգաներում սեպտեմբերի 28-ից անհետ կորած ընտանիքին փնտրում են հարյուրավոր մարդիկ

749

Երեքշաբթի, 07 հոկտեմբերի, 2025 թ., 18:26

Հինգշաբթի օրը՝ հոկտեմբերի 2-ին Կրասնոյարսկի երկրամասի Ներքին գործերի նախարարությունը հայտնել է, որ 64 և 48 տարեկան երկու մեծահասակ և 5 տարեկան աղջիկ անհետացել են Կրասնոյարսկի երկրամասում լեռնագնացության ժամանակ։ Ոստիկանության շտաբի տվյալներով՝ ընտանիքը սեպտեմբերի 28-ին մեկնել էր դեպի Բուրատինկա լեռ լեռնագնացության։ Ռուսաստանի Դաշնության քննչական կոմիտեի տարածաշրջանային շտաբը քրեական հետաքննություն է սկսել զբոսաշրջիկների անհետացման փաստով։ Գործակալությունը «ՌԻԱ Նովոստի»-ին հայտնել է, որ ընտանիքը պետք է լիներ խմբի հետ, սակայն մնացածները չեղարկել են իրենց ուղևորությունը՝ եղանակի կանխատեսվող վատթարացման պատճառով։ Ականատեսները նաև հայտնել են, որ տեսել են ընտանիքին՝ ուսապարկերով դեպիլեռ ուղևորվելիս: Նրանք հագած են եղել թեթև հագուստներ, այնինչ մի քանի ժամում ջերմաստիճանը կտրուկ անկում է ապրել, անձրևին հաջորդել են մառախուղն ու ձյունը:
ԸՆտանիքին փնտրում են հարյուրավոր մարդիկ, սակյան դեռևս ոչ մի տեղեկություն չկա նրանց գտնվելու վայրի մասին:
Տարածքի անտառներում շատ են արջերը, գայլերը և այլ վայրի կենդանիներ: