Իսրայելցի պատանդները չեն ազատվի մինչև Իսրայելի կողմից ռազմական գործողությունների ավարտը

Պաղեստինյան իսլամական ջիհադը (ՊԻՋ) հայտարարել է, որ իսրայելցի պատանդները չեն ազատվի մինչև Իսրայելի կողմից ռազմական գործողությունների դադարեցման վերաբերյալ համաձայնագրի կնքումը:
Ըստ կազմակերպության զինված թևի՝ «Քուդս» բրիգադի հայտարարության, դրա մարտիկները հարվածել են իսրայելական զորքերին և սարքավորումներին Շաթի փախստականների ճամբարից հյուսիս-արևմուտք գտնվող տարածքում։ Հայտարարության մեջ ընդգծվում է, որ «դիմադրության զենքերը նախատեսված են հողերը ազատագրելու և թշնամու դեմ պայքարելու համար, և դրանք չեն հանձնվի մինչև իրենց նպատակներին հասնելը»։

«Մենք հաստատում ենք, որ մենք և դիմադրության բոլոր խմբավորումները կգործադրենք բոլոր ջանքերը՝ պատերազմը և մեր ժողովրդի տառապանքները դադարեցնելու միջոց գտնելու համար»,- ասվում է հայտարարության մեջ։

Իսրայելական լրատվամիջոցները հաղորդել են, որ երեքշաբթի առավոտյան Գազայի հյուսիսային հատվածից կրակոցները թիրախավորել են Նատիվ Հա'Ասարա գյուղը։ Զոհերի մասին տեղեկություններ չեն եղել։