ԱՄՆ-ն և Կանադան աշխատում են նոր ամերիկյան հակահրթիռային պաշտպանության համակարգ ստեղծելու ուղղությամբ

Միացյալ Նահանգները և Կանադան համատեղ աշխատում են նոր ամերիկյան հակահրթիռային պաշտպանության համակարգ՝ «Ոսկե գմբեթ» ստեղծելու ուղղությամբ: Այս մասին հայտարարել է ԱՄՆ-ի նախագահ Դոնալդ Թրամփը՝ Սպիտակ տանը Կանադայի վարչապետ Մարկ Քարնիի հետ հանդիպման ժամանակ:
«Մեր շատ սերտորեն համագործակցող հարցերից մեկը «Ոսկե գմբեթն» է: Մենք համատեղ կաշխատենք «Ոսկե գմբեթի» վրա մեր երկրների համար: Սա շատ կարևոր կլինի: Հատկապես, երբ նայում ես աշխարհին, թե ինչ է կատարվում: Մենք ուզում ենք այս պաշտպանությունը»,- ասել է Թրամփը:

Մայիսի 20-ին ԱՄՆ նախագահը հայտարարել է, որ Միացյալ Նահանգները հաստատել է «Ոսկե գմբեթ» նոր հակահրթիռային պաշտպանության համակարգի ճարտարապետությունը և որոշել է ֆինանսավորել նախագիծը: Նա գնահատել է, որ նախաձեռնությունն ավարտելու համար կպահանջվի երեք տարուց էլ պակաս, իսկ ներդրումների գնահատված ծավալը կկազմի մոտ 175 միլիարդ դոլար: Նա նաև նշել է, որ եթե Կանադան հրաժարվի միանալ Միացյալ Նահանգներին, ապա նախագծին մասնակցելու համար կպահանջվի 62 միլիարդ դոլար:

Ռոյթերսը նախկինում հաղորդել էր, որ «Ոսկե գմբեթ» համակարգը, հավանաբար, բաղկացած կլինի չորս շերտից՝ մեկ արբանյակային և երեք ցամաքային: Տիեզերական շերտը կներառի սենսոր և ուղղորդման համակարգ՝ թշնամու հրթիռների արձակման վաղ նախազգուշացման և դրանց հետևման համար, մինչդեռ ցամաքային երեք շերտերը կներառեն որսորդական հրթիռներ, ռադարային ցանց և, հնարավոր է, լազերներ: Համակարգը նախատեսվում է շահագործման հանձնել 2028 թվականին: