«Նիկոլ Փաշինյանը շարունակում է հակասահմանադրական թեմա արծարծել»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է. «Նիկոլ Փաշինյանը շարունակում է հակասահմանադրական, վնասարար թեմա արծարծել․
Նիկոլ Փաշինյանը «Մի րոպե մի բան ասեմ-4» վենագրով տեսանյութ է հրապարակել իր Ֆեյսբուքի էջում, ուր բացատրել է, թե ինչ տարբերություն կա Երրորդ Հանրապետության և Չորրորդ Հանրապետության միջև: Նա հայտարարել է․
«Երրորդ Հանրապետությունը հիմնվել է կոնֆլիկտի տրամաբանության վրա, իսկ Չորրորդ Հանրապետությունը հիմնվում է խաղաղության տրամաբանության վրա:
Երրորդ Հանրապետությունում Սահմանադրության՝ ժողովրդի ազատ կամարտահայտմամբ և քվեարկությամբ ընդունված լինելը խիստ կասկածելի է, իսկ Չորրորդ Հանրապետությունում նման կասկած ընդհանրապես պետք է չլինի»։ Սա հակասահմանադրական խոսույթ է, ուղղված Հայաստանի Հանրապետության դեմ։ Այդ թեման ոչ միայն օգտակար չէ, այլ՝ վնասարար է պետության, հանրության համար։ Փաշինյանի ասածը, թե չորրորդ հանրապետությունը ժողովրդի ազատ կամարտահայտմամբ ու քվեարկությամբ ստեղծվելու վերաբերյալ կասկածներ պետք են չլինելու մասին պնդումը «օդում կախված», չեղած բանի մասին զրույց է, ոնց որ գնացի մարդի, ունեցա որդի, անունը Կիկոս․․․»։