«Վե՛րջ տվեք արցախցիների անունից խոսելուն». բողոքի ակցիա` ուղիղ միացմամբ

Կառավարության շենքի դիմաց բողոքի ակցիա են իրականացնում մի խումբ արցախցիներ՝ պահանջելով Արցախի, արցախցիների իրավունքների պաշտպանություն:

«Վերջին ժամանակներում ականատես լինելով, որ ներկա իշխանության ղեկավարները միջազգային հարթակներում բարձրաձայնում են արցախահայության մասին, Արցախի հիմնախնդրի մասին, արցախցիների իրավունքների մասին, մենք այսօր բողոքի ակցիա ենք կազմակերպել, որ հորդորենք այդ մարդիկ Արցախի մասին չխոսեն, որովհետև այդ մարդկանց ամեն մի բառի մեջ Արցախի հարցը փակված է, արցախցիների հետվերադարձի իրավունքներն արդեն ոտնահարել են:

Իշխանություններին ասում ենք՝ վե՛րջ տվեք արցախցիների անունից խոսելուն, արցախցիների անունից Արցախի ապագան որոշելուն: Արցախցիները այն հույս ու հավատով են, որ մենք հետ վերադառնալու ենք և Արցախի հայկական լինելը վերականգնվելու է»,- լրագրողների հետ զրույցում ասել է «Վերածնվող Արցախ» շարժման առաջնորդ Անաստաս Իսրայելյանը: