«Այս գործն ուրախալի ավարտ ունեցավ, բայց մերկացրեց մեր համակարգի խոցելիությունը». Գևորգ Թոսունյան

Լրագրող Գևորգ Թոսունյանի ֆեյսբուքյան գրառումը․ «Հիշո՞ւմ եք Վրաստանի քաղաքացի Գիորգի Կինոյանիի պատմությունը, որին Հայաստանում կալանավորել էին աբսուրդային հիմնավորմամբ։
Ուրեմն, նա վերջապես ազատության մեջ է։
36 օր շարունակ նա մեր երկրում անազատության մեջ էր, իսկ պատճառն իրավական աբսուրդ էր՝ Ռուսաստանի պահանջով, ինքնահռչակ «Դոնեցկի հանրապետության» գոյություն չունեցող «դատարանի» վճռի հիման վրա։
ՀՔԱ Վանաձորի գրասենյակն է խնդիրը բարձրացրել ու առաջ տարել։ Վրաստանի քաղաքացին ազատ արձակվեց չվերադարձելիության սկզբունքի կիրառման արդյունքում։
Բայց այս մեկ գործը, որքան էլ ուրախալի ավարտ ունեցավ, մերկացրեց մեր համակարգի խոցելիությունը։ Ըստ իրավապաշտպան կառույցի՝ ժամանակն է, որ Հայաստանը վերջապես հրաժարվի ԱՊՀ շրջանակում ստորագրված այն համաձայնագրերից, որոնք մեր պետությունը դարձնում են ավտորիտար ռեժիմների հետապնդումների գործիք»։