«Բագրատ Սրբազանի տեսակցությունների արգելքը վերացել է»․ Հովհաննես Խուդոյան

«Սրբազան պայքար» շարժման առաջնորդ Բագրատ Սրբազանի և շարժման մյուս մասնակիցների գործով դատական հերթական նիստից հետո փաստաբան Հովհաննես Խուդոյանը լրագրողների հետ զրույցում նշեց, որ բացի Դավիթ Գալստյանի խափանման միջոցը փոխվելուց, վերաքննիչ բողոքը մասնակի բավարարվել է նաև Միհրան Մախսուդյանի և Բագրատ Սրբազանի վերաբերյալ։
«Միհրան Մախսուդյանի վերաբերյալ ևս բողոքը բավարարվել է, երևի ընտրվել է տնային կալանք։ Նաև Բագրատ Սրբազանի մասով բողոքը մասնակի բավարարվել է՝ տեսակցությունների արգելքն է վերացել, բայց կալանքը պահպանվում է»,- նշեց Խուդոյանը։