Պուտինի և Ալիևի` 10 ամսվա ընդմիջումից հետո առաջին հանդիպումը տևեց մոտ մեկ ժամ

285

Հինգշաբթի, 09 հոկտեմբերի, 2025 թ., 20:03

Տաջիկստան կատարած այցի ընթացքում Վլադիմիր Պուտինն անցյալ տարվանից ի վեր առաջին հանդիպումն ունեցավ Ադրբեջանի նախագահ Իլհամ Ալիևի հետ։ Հանդիպման հրապարակային մասը գրեթե ամբողջությամբ նվիրված էր 2024 թվականի դեկտեմբերին ադրբեջանական ինքնաթիռի կործանմանը։ «Մեր պարտականությունն է, ինչպես պայմանավորվել էինք, գնահատել և հայտարարել իրական պատճառը»,- ասել է Պուտինը։ Նա ընդունել է, որ ինքնաթիռը պատահաբար խոցվել է ՀՕՊ համակարգի կողմից՝ ուկրաինական անօդաչու թռչող սարքերի հարձակումը հետ մղելիս, և խոստացավ վճարել զոհերի ընտանիքներին հասանելիք փոխհատուցումը և իրավական գնահատական տալ ռուս պաշտոնյաների գործողություններին։ Ալիևի արձագանքը ցույց է տալիս, որ միջադեպը, որը հանգեցրել էր ռուս-ադրբեջանական հարաբերություններում ճգնաժամի, կարելի է համարել լուծված։